टॅटू करताना 'या' गोष्टी लक्षात न ठेवा अन्यथा आरोग्यावर होईल विपरीत परिणाम !

मुंबई -

सध्या टॅटू आणि पिअर्सिंग किंवा छेदन हा फॅशनेबल बनण्याचाच एक भाग मानला जातो. तसे पाहता आपल्या देशात अनेक वर्षांपासून आपल्या प्रियजनांची किंवा स्वतःची नावे टॅटूच्या स्वरूपात गोंदवण्याची परंपरा आहे. विशेषत: आदिवासी भागात आणि गावांमध्ये आजही नाव गोंदवण्याची प्रथा आहे. त्याचप्रमाणे विविध पद्धतीचे दागिने घालण्यासाठी कान, नाक टोचून घेणे अथवा छेदन करणेहा देखील आपल्या परंपरेचा एक भाग आहे. सध्या काही आधुनिक तंत्रांनी नाव अथवा डिझाईन शरीरावर गोंदवून घेण्याची ही परंपरा 'टॅटू'च्या रूपात ट्रेंड बनली आहे. आज 'टॅटू' आणि 'पिअर्सिंग' हे विशेषतः तरुणांच्या जीवनाचा एक भाग बनले आहेत. प्रियजनांच्या नावांपासून ते तुमच्या पाळीव प्राण्यांच्या चेहऱ्यापर्यंत तसेच काही सकारात्मक संदेशासह चित्रविचित्र संदेशांचेही टॅटू काढले जातात. काही लोक तर संपूर्ण शरीर टॅटूने सजवतात. त्याच वेळी नाक आणि कान वगळता भुवया, ओठ, नाभी इत्यादींवर पिअर्सिंग अथवा छेदन करण्याचा ट्रेंड देखील आहे. पण टॅटू किंवा छेदन करताना काही गोष्टींची काळजी घेणे खूप गरजेचे आहे कारण या गोष्टी थेट आपल्या आरोग्याशी संबंधित असतात. म्हणून टॅटू अथवा पिअर्सिंग करताना पुढील गोष्टी लक्षात ठेवा.

किशोरवयीन आणि तरुणांमध्ये टॅटू आणि छेदन या दोन्ही गोष्टींबद्दल खूप क्रेझ आहे, परंतु ते करताना हे अनेकदा लक्षात घेतले जात नाही की यामुळे शरीराच्या आत आणि बाहेर अनेक समस्या निर्माण होऊ शकतात. टॅटूची शाई आणि सुयामुळे संसर्ग होऊ शकतो. उपचार न केल्यास जखमांना छिद्र पाडणे देखील गंभीर संसर्गाचा धोका बनू शकते. म्हणून जेव्हाही तुम्ही या दोन गोष्टींचा अवलंब कराल तेव्हा काही गोष्टी लक्षात ठेवा.

० 'या' गोष्टी लक्षात ठेवा
आपण ज्या ठिकाणी टॅटू काढत आहात किंवा पिअर्सिंग करत आहात त्या ठिकाणी स्वच्छतेची काळजी घेतली जात आहे का? याची खात्री करून घ्या. करोनाच्या काळात स्वच्छता ही गोष्ट सामान्य दिवसांपेक्षा अधिक महत्त्वाची बनली आहे. अस्वच्छतेमुळे संसर्गाचा धोका अनेक पटीने वाढू शकतो.
पिअर्सिंग किंवा टॅटू काढणाऱ्या व्यक्तीचे त्यासाठी पुरेसे प्रशिक्षण आहे का हे देखील खूप महत्त्वाचे आहे. लक्षात ठेवा की पिअर्सिंग करताना किंवा टॅटू बनवताना, सुया शरीराच्या अनेक मज्जातंतूंच्या संपर्कात येतात, म्हणून थोडीशी चूक देखील घातक परिणाम देऊ शकते.

० आरोग्याबाबत काळजी घ्या
जर तुम्ही बॉडी पियर्सिंग किंवा पूर्ण बॉडी टॅटू निवडला असेल तर तुम्हाला जास्त काळजी घ्यावी लागेल. तज्ज्ञांच्या मतानुसार यामुळे अनेक महत्वाच्या आणि नाजूक अवयवांच्या कार्यावर परिणाम होण्याची भीती असते. म्हणून, कपाळावर, डोळ्यांभोवती, ओठांवर, नाभीमध्ये, जिभेवर पिअर्सिंग अथवा टॅटू करण्यापूर्वी योग्य सल्ला घ्या. जर तुम्हाला कोणत्याही प्रकारच्या ऍलर्जीचा त्रास होत असेल तर या दोन्ही गोष्टींमुळे हा धोका वाढू शकतो. टॅटू किंवा पिअर्सिंग यामुळे विविध प्रकारची ऍलर्जी होऊ शकते. टॅटूसाठी वापरले जाणारे रंग म्हणजे शाई, पिअर्सिंगसाठी वापरलेली धातूची साधने इत्यादीमुळे ऍलर्जी होऊ शकते. या साधनांमध्ये निकेल, निओबियम आणि टायटॅनियमचा समावेश असू शकतो. ज्यामुळे आरोग्याला धोका होऊ शकतो.

० टॅटू किंवा पिअर्सिंगने संसर्गाची भीती
सध्या करोनाशिवाय असे अनेक जीवघेणे विषाणू आणि जीवाणू आहेत ज्यामुळे टॅटू किंवा पिअर्सिंगने शरीरात संसर्ग होऊ शकतो. यामध्ये हिपॅटायटीस सारख्या रोगांचा समावेश आहे. या व्यतिरिक्त, जे लोक मधुमेही आहेत त्यांना त्वचेचे गंभीर संक्रमण होण्याची शक्यता असते.
जर पिअर्सिंग योग्य प्रकारे केले गेले नाही तर त्वचेवर हायपरट्रॉफिक चट्टे देखील येऊ शकतात, ज्यासाठी बरे होण्यासाठी अनेक स्टिरॉइड्सचा अवलंब करावा लागू शकतो. यामुळे त्वचेच्या अनेक स्तरांवर जखम किंवा जखमेवर एकाच ठिकाणी सूज येते.

० विशेष काळजी घ्या
स्तनाग्र, नाभी, ओठ इत्यादींवर पिअर्सिंग किंवा टॅटूमुळे कमकुवत रोगप्रतिकारक शक्ती, गर्भधारणा किंवा हृदयरोग असलेल्या लोकांमध्ये गंभीर संक्रमण होऊ शकते. तसेच, गर्भवती महिलांमध्ये बाळाला संक्रमणाचा धोका देखील पोहोचू शकते.

टॅटू बनवण्यासाठी वापरल्या जाणाऱ्या शाईमध्ये अनेक रसायने किंवा धातू असू शकतात जे शरीरात पोचून आरोग्य बिघडवू शकतात. विशेषत: त्याचे लाल, हिरवे, पिवळे आणि निळे रंग एलर्जीक इफेक्ट करू शकतात. म्हणून फॅशन करा, मात्र सावधगिरी बाळगूनच !