'या' बँका आरबीआयच्या रडारवर...

'या' बँका आरबीआयच्या रडारवर...


नवी दिल्ली - भारतीय रिझर्व्ह बँकेने (RBI) देशातील दोन मोठ्या बँकांना मोठा दणका दिला आहे. विविध मार्गदर्शक तत्त्वांचे उल्लंघन केल्याबद्दल आरबीआयने देशातील सर्वात मोठी बँक स्टेट बँक ऑफ इंडिया (SBI) ला 1 कोटी रुपये आणि स्टँडर्ड चार्टर्ड बँकेला 1.95 कोटी रुपयांचा दंड ठोठावला आहे. आरबीआयने (RBI) एका निवेदनात म्हटले आहे की, 'भारतीय रिझर्व्ह बँक (व्यावसायिक बँका आणि निवडक वित्तीय संस्थांद्वारे फसवणूक-वर्गीकरण आणि अहवाल) निर्देश 2016'मधील निर्देशांचे पालन न केल्याबद्दल एसबीआयला (SBI) दंड ठोठावण्यात आला आहे.
भारतीय रिझर्व्ह बँकेने (RBI) एका स्वतंत्र निवेदनात म्हटले आहे की 'ग्राहक संरक्षण - अनधिकृत इलेक्ट्रॉनिक बँकिंग व्यवहारांमध्ये ग्राहकांचे मर्यादित दायित्व', 'बँकांमध्ये सायबर सुरक्षा फ्रेमवर्क', 'बँकांचे क्रेडिट कार्ड ऑपरेशन्स' आणि वित्तीय सेवा स्टँडर्ड चार्टर्ड बँकेला 'आउटसोर्सिंगमधील आचारसंहिता' वर आरबीआयने जारी केलेल्या निर्देशांचे पालन न केल्याबद्दल 1.95 कोटी रुपयांचा दंड ठोठावण्यात आला आहे.