मुंबई -
सोने खरेदी करणे व परिधान करणे कुणाला आवडत नाही? विशेषतः स्त्रियांना तर 'सोने' हा अतिशय जिव्हाळ्याचा विषय असतो. कोणत्याही विशेष प्रसंगी सोन्याचे दागिने घालणेच त्या पसंत करतात. सोन्याची गुंतवणूक भविष्यात मदत करू शकते. साधारणपणे सोने 22 आणि 24 कॅरेटमध्ये खरेदी केले जाते. या दोन कॅरेटमध्ये फरक आहे. काय आहे हा फरक हे आज जाणून घेऊया. जेणेकरून आपण सोने खरेदी करुन गुंतवणूक करू शकता आणि त्यातून फायदा घेऊ शकता.
० कॅरेटने शुद्धता ओळखा
सर्व प्रथम आपल्याला 22 आणि 24 कॅरेटमधील फरक माहित असावा. खरं तर, कॅरेटमुळे सोन्याची शुद्धता ओळखतात. सोन्याचे कॅरेट जितके जास्त असेल तितके ते शुद्ध असेल. हे सामान्यत: 0 ते 24 या प्रमाणात मोजले जाते. यापैकी 24 कॅरेट हे सोन्यामध्ये सर्वात शुद्ध मानले जाते. याव्यतिरिक्त, ते मजबूत करण्यासाठी तांबे, निकेल, चांदीसारखे इतर धातू त्यात मिसळतात.
० 24 कॅरेट सोने
यात कोणताही धातू नसतो. त्याचा रंग पिवळा आणि चमकदार असतो. तसेच, हे सोने सर्वात महाग असते. लोक 24 कॅरेट सोन्यापासून नाणी व दागिने खरेदी करतात.
० 22 कॅरेट सोने
यात 22 भाग सोन्याचे आणि कोणत्याही धातूचे 2 भाग यांचे मिश्रण असते. तसेच हे शुद्ध सोन्यापेक्षा किंचित कठिण असते. परंतु दागिन्यांसाठी 22 कॅरेट सोन्याचे योग्य मानले जात नाही.
० 18 कॅरेट सोने
18 कॅरेट सोन्याच्या दागिन्यांमध्ये 75 टक्के सोन्याचे प्रमाण असते तर उर्वरित 25 टक्के तांबे आणि चांदी एकत्र असतात. हे सोने 24 आणि 22 कॅरेट सोन्यापेक्षा स्वस्त असते. आपण असेही म्हणू शकतो की ते शुद्ध सोन्याच्या प्रकारात येत नाही. ते हलके पिवळसर दिसते. मात्र इतर कॅरेट सोन्याच्या तुलनेत ते अधिक मजबूत असते. यापासून लाइटवेट, ट्रेंडी ज्वेलरी व साधे दागिने बनवता येतात.
० 14 कॅरेट सोने
14 कॅरेट सोन्यात 58.5 टक्के शुद्ध सोने आणि उर्वरित इतर कोणतेही धातू मिसळतात. पण भारतीय लोकांना 14 कॅरेट सोनं खरेदी करायला आवडत नाही.
० गुंतवणूकीसाठी 24 कॅरेट विकत घेणे योग्य
आपण गुंतवणूकीबद्दल विचार करीत असाल तर यासाठी सोने खरेदी करणे सर्वोत्तम मानले जाते. वास्तविक सोन्याच्या किंमतीत चढउतार होत असतात. अशा परिस्थितीत त्याचा फायदा होण्याची दाट शक्यता आहे. तसेच, 24 कॅरेट सोन्याच्या शुद्धतेची खात्री असल्याने, ते खरेदी करणे सर्वात फायदेशीर ठरेल. यासह, हे सोने खरेदी केल्यावर दुकानदाराकडून हॉलमार्क प्रमाणपत्र नक्की घ्या. बीआयएस हॉलमार्कसह ज्वेलरकडून सोन्याची खरेदी करणे योग्य आहे. हे सोन्याच्या विक्रीच्या वेळी योग्य किंमत देते.
० 'हे' कॅरेट सोन्याचे दागिने योग्य आहेत
दागिने खरेदी करताना ते आपण केव्हा घालणार आहात, यावर किती कॅरेटचे दागिने घेणे योग्य, हे ठरेल. जर तुम्हाला दररोज सोन्याचे दागिने घालायचे असतील तर यासाठी 18 किंवा 14 कॅरेट सोन्याचे दागिने घेणे योग्य असेल. वास्तविक ते मजबूतीसोबतच स्वस्तही मिळतील. हे दागिने खराब होण्याची शक्यता नसते तसेच कुठेही फिरताना जास्त त्रास होणार नाही. सोन्याच्या अंगठ्या घालून फिरायची हौस असेल तर 18 आणि 14 कॅरेट सोने सर्वोत्कृष्ट असेल. मात्र, लग्नकार्यासाठी नेहमीच 24 कॅरेट शुद्ध सोने खरेदी करा.
प्रबोधन वृत्तसेवा 
